Di ghjugnu in Corsica, si face sempre u ski

A sapiate ch'ellu si face u ski in Corsica, ancu l'estate ?

Per l'amatori sappiate ch'ellu ci vole à cullà in Ascu, in a valle di Trimbulacciu, sott'à a Bocca Pampanosa. Custì puderete favvi una bella sculisciata (è forse pigliavvi una bella strambacata) sott'à u sguardu di Monte Cintu.

Ci hè sempre appena di neve, è ùn hè ancu à compie.

Di più infurmazioni nant'à u situ Les conditions de la montagne corse.