Infine un cosu razzistu nant'à a criminalità induve ùn si parla micca di i Corsi !

Hè a pulèmica chì hà infiaratu Twitter oghje.

Un'infugrafia classa i malfattori segondu a so orìgine è e so spezialità :

l'Albanesi arrubanu, i Russii attaccanu i distributori di soldi, l'Arabi facenu a droga... i Roms elli, facenu appena di tuttu.

Un generu d'internaziunale di a "violence culturelle".

Ma u giurnale di Liò si spiega : "i[nous avons interrogé les services de police, de gendarmerie et des douanes qui [leur] ont donné les grandes tendances basées sur leurs observations et les arrestations]i".

In fatti, sò i pulizzeri chì anu datu l'infurmazioni.

Tuttu và bè dunque. U FN ellu, si campa.

Ma ciò chì hè ancu di più scandalosa, hè chì in sta classifica ùn ci hè mancu una traccia di Corsi.

Mancu un traccia di trafficanti di droga, di spezialisti di u braccasgiu, di u sbiancamentu di soldi, di ghjochi illegali, nunda !

U mezu corsu ùn hè più ciò ch'ellu era... I Corsi averianu infine pigliatu a via di u prugressu è giratu u spinu à l'antica viulenza endèmica ? Ci sariamu infine sbarazzati di a nostra viulenza culturale ?

Ùn ci hè più un palmu di nettu.