In Carghjese, Pasqua hè stata festighjata cum'ella a vole a tradizione, segondu u ritu catòlicu orientale.

Una culunnia di Grechi s'era stallata in Paomia, vicina di Carghjese, à u XVIIu seculu. Avianu dumandatu a permissione à u guvernu genuvese di pudè stallassi quì per fughje a duminazione turca. Dapoi, a pupulazione s'hè mischjata ma u ritu anticu esiste sempre.

Oghje, i membri di a cunfraterna San Spiritonu tiranu fucilate quand'ella sorte da a chjesa a prucessione. Parechji veschi anu pruvatu à fà piantà st'usu, ma i carghjesani anu tenutu bonu è ùn anu vulsutu piantà. Chì saria si in più di quessa eranu incagulati...

On condamne avec la plus grande fermeté ou pas ?

ritrattu : Corse-Matin

U JDD hà fattu un articulu nant'à l'elezzione municipale in Bastia : Comment les nationalistes ont conquis Bastia.

Ma forse, ùn anu micca capitu tuttu...

Rafael Nadal, nùmeru unu mundiale di u tennis chì s'hè messu à l'Orezza hè un ritrattu ch'ellu si pò vede in L'Equipe oghje.

Bon a spiecazione hè chì a sucetà hè partenaria di u turneu di Monte Carlu, u "Rolex Masters Series".

Nant'à a pagina Wikipedia di a marca s'ampara chì "la version eau plate, la dernière création de Marie-Laurence Mora et de sa fille qui continuent l’œuvre de François Xavier avec passion et qui a été lancée en exclusivité à l’occasion des Rolex Masters Series de Monte Carlo".

Un'Orezza senza bullicine perchè micca ? Ma ùn sapemu micca ciò chì Nadal hà messu in a buttiglia cù un stranu liquidu aranciu.

A situazione ùn s'hè micca appaciata in Balagna. Dop'à l'elezzione municipale cuntestata in L'Isula, si duvia vutà pè a presidenza di a cummunità di cummune. Ma ci hè statu u cumbugliu, a ci spieca Corse Net Infos.

Hyacinthe Mattei hà una spiecazione ch'ellu dà à Télé paese : certi eletti vanu à piglià l'ordine ind'è "l'homme à l'écharpe rouge".

Parla dinù di "chantage à la subvention" è di "système qui gangrène la Corse et il amène la violence".

Per infurmazione "l'homme à l'écharpe rouge" ùn hè micca Christophe Barbier.

Da vede in u nutiziale di Télé Paese

Ùn a sapiate micca ? Hè statu elettu merre. L'anzianu capimachja di a CFR è membre attivu di l'associu France-Corse hà pigliatu a merria di u paisolu orrezzincu di A Verdese (38 abitanti). A ci dice u numeru "hors-série" di Corse-Matin nant'à e municipali. Ma forse, preferimu sente u prufessore di storia ch'è l'omu puliticu...

In un'intervista à Corse-Matin, EDG volta nant'à l'elezzione in Bastia. À prupostu di a dumanda di sclusione di u PS fatta da u PRG, risponde cusì :

"Si le PRG a effectué cette démarche, c'est assez gonflé lui qui, à Marseille où les enjeux étaient bien plus importants qu'ici, avait son propre candidat contre Patrick Menucci et, au second tour, il a soutenu Jean-Claude Gaudin. Il y a des moments dans la vie politique où, pour être crédible, il vaut mieux se faire discret."

Hè detta.

Dice dinù chì à a CTC "je suis plus proche de Gilles Simeoni que d'autres élus de la majorité territoriale".

Da leghje in Corse-Matin di u 19 d'aprile.

Si cunnoscenu e delegazioni di a municipalità di Portivechju. Hè u situ Alcudina chì a ci dice.

Camille de Rocca Serra serà in carica di l'urbanisimu è a planificazione strategica.

Cum'ellu a scrive l'autore di l'articulu : "Les associations de l’environnement vont apprécier la nomination de celui qui voulait « désanctuariser » le littoral Corse". Hè detta.

I parpaings sò prumessi à un bellu avvene in Portovèque.




Fiura : www.unita-naziunale.org

Kepler-186f, hè u nome di u pianeta abitèvule è simile à a nostra Terra chì hè statu trovu, a ci hà detta a Nasa.

Abitèvule vole dì ch'ella si trova à a distanza ghjusta di u sole chì permetti a presenza d'acqua liquida. A timperatura hè guasi a listessa ch'è quella nant'à a terra.

Per avà ùn si sà s'elli esistenu kepleriani è chì forma ponu avè.

Hè quantunque appena luntana : si trova à 500 anni luce di noi. Sapendu ch'un annu luce currisponde à 9.460 milliarde, fate u càlculu...

Face appena luntanu per sperà mandacci à Pierre Ménès, à Frédéric Thiriez è unepochi d'eletti nostri.

Ma rassicuratevi, u scentificu di a missione Kepler hà dettu ch'ellu c'era 80% di furtuna di truvà un'altru pianeta abitèvule in un circondu più vicinu di a Terra in i prussimi vint'anni.

Forse ùn basterà micca per cunvince à certi d'ùn fà a so residenza segundaria ind'è noi...

À prupositu di a cuufficialità, l'associu France-Corse ùn manca d'argumenti. L'ultimu hè questu quì :

"Il n’y a pas non plus d’intérêt pratique à la coofficialité, chacun en Corse comprenant, parlant et pensant français"

Amichi chì pensate francese, eccu u a pagina induve si pò leghje quessa.

Bona ghjurnata à tutti !

Quandu u Paok di Salonica riceve l'Olympiakos, ci hè u tazzu... Centinaie di fumìgeni accesi in e tribune anu infiaratu u stadiu.

Lagnemu u Thiriez grecu incaricatu di mette un'amenda à u PAOK.

Ma ùn saria quessu, u futbol veru ?

Spicciatevi di vutà (iè si pò ancu vutà parechje volte !) pè l'arburu di l'annu. U castagnu di U Pianellu si face richjappà da u candidatu di l'Auvergne !

Per vutà, si passa quì.

Ùn ci hè micca chè A Piazzetta chì ùn hè micca sempre spiritosa. À l'assemblea naziunale, certe volte u livellu face pietà.

Sta volta hè un deputatu UMP, Claude de Ganay, chì hà vulsutu pone una dumanda à u guvernu à a manera di Julien Lepers in Questions pour un champion. U risultatu ùn hè micca terribule, fidighjate a videò.

Francamente, si ride di più à a CTC. "Quand comptez-vous partir ?"

Nò, ùn si passa micca in Furiani, ma in Ungheria, in un scontru di cuppa trà Debrecen à Diosgyor (finitu 4-2).

Bon d'accordu ùn avemu nunda à dì, noi dinù n'avemu vistu pochi macciacci è corner mancati...

Ùn si sà sempre micca ciò ch'ellu ferà Hantz quist'annu chì vene.

L'intrenore di u Sporting è u presidente Geronimi anu discorsu una bella stonda ma ùn sò cascati d'accordu.

Hantz vole tene u so staff (Née è Bouillot). Ma i dirigenti nò.

Risultatu : Geronimi hà dettu nant'à Alta Frequenza : "le poste est ouvert à candidatures".

Ma : "la priorité du Sporting c'est Hantz".

Quale nant'à u bancu a stagione chì vene ? Roland Gransart ? Raymond Domenech ? José Anigo ? Dominique Bijotat ? O allora Hantz ?

Tuttu hè pussibule...

"La littérature en langue corse des années 2000 : genres et contenus" hè u nome d'una cunferenza data à l'Università da Alanu Di Meglio.

A bona nova hè chì parechje cunferenze di l'Università sò filmate è messe in linea nant'à YouTube. Hè stata messa in linea nant'à Interromania.

Eccula quì !

Tuttu u mondu si n'impippa ma A Piazzetta hà dinù un contu Instagram avà.

Un ghjova à nunda, ma cumu ci piace à tutti di perde u nostru tempu nant'à e rete suciali, ci semu messi noi dinù.

Indirizzu : http://instagram.com/a_piazzetta